ASMAKIZUN LEHIAKETA

Euskararen Astean murgilduko gara eta burutazio bat izan dugu. Datorren astelehenean hasita eta igandea arte asmakizun bat jarriko dizuegu egunero gure blogean.
Hona hemen arauak:
1. Zazpi asmakizun izango dira, astelehenean lehena eta igandean  azkena.
2. Erantzuna iruzkinetan jarri beharko duzue, izena eta maila idatziz.
3. Iruzkin hauek ez ditugu publikatuko azken egunera arte, bestela erantzunak agerian egongo lirateke eta.
4. Asmakizun guztiek nolabaiteko lotura dute aurtengo Euskararen Asteko gaiarekin.
5. Irabazlea asmakizun guztiak asmatu dituena izango da. Berdinketa izatekotan zozketa publikoa egingo da ikastolan, sari bakar bat egongo baita 5. mailako gela bakoitzean.
6. Lehiaketa honetan parte hartzeko azken eguna azaroaren 28a, astelehena, 21:00etan izango da.
7. Irabazleen izenak asteartean, azaroak 29, jakinaraziko dira hemen, gure blogean.
8. Saria liburu bat izango da.

Animo eta denok parte hartzera!